රහස ........

කුඩා කල පටන්
රවුම් ඇස් ලොකු කරන්
හැම විටම දැඩි අවදානයෙන්
උන්නා බල්ලෙක් ගෙදරක ඇති කරන්

කළුවර දිහා ඌ බලයි
හෙවනැලි වැනෙන විට හිස ඔසවයි
නැවුණු කන් ඉහලට එසවෙයි
නමුත් ඌ නිහඬයි

ගෙදරට ආවත් කිසිවෙක්
දුටුවත් අහල පහල බල්ලෙක්
කෑවත් කෑම වෙන පූසෙක්
නැහැ මුගේ හැලහොල්මනක්

නිවැසියා නොසලකුවා
දිනෙන් දින කෘෂ උනා
වාසියක් නැති නිසා
ගෙදරිනුත් පැන්නුවා

කිසිවෙකුත් නොදත් මුත්
කිසිවෙකුත් නොසිතු මුත්
සුනකයා ගොලුවෙක්
දැන උන් තමන් පමණක්