සීතල රාත්‍රියක
මහ සයුර මැද
ඉහලින් අකුනු විදුලි
මහ හඬ දෙත්දී
සයුරු තලය
වියරුව කැලඹෙත්දී
ගැඹුරුම ගැඹුරු
ආගාධයක
ආලෝකය කෙදිනකවත් නොදුටු
අඳුරුම අඳුරු
ආගාධයක
ගල්පර මධ්‍යයේ
පැරණි නෞකාවක
දිරාගිය සුන්බුන් ............
 ඈත දිනයක
සාඩම්බර ලීලාවෙන්
දීප්තිමත් අහස යට
ඔද වැඩී යාත්‍රා කල ,
දැන් ............
සීතලම සීතල
අඳුරු පතුලක
පාසි හා ගල්කුළු අතර
සැඟවී ගිය
නෞකාවක
සුන්බුන්
කුනාටුව නිසා
කැලතුනු අති විශාල
සාගර ජල කඳ නිසා
මදින් මද
සෙලවෙන්නට විය
නමුත් ...........
යාන්තමට
ඉතාමත් සෙමින්

ප්‍රභාත් මාධව විරසිංහ