විශාල නිල් අහස දෙස බලත්දීත්
ඈතම ඈත නොපෙනෙන ඈත බලත්දීත්
මට ඔබව දැනෙයි
ඔබේ ගත පිබිදෙන අයුරු
මට  දැනෙයි

නුඹේ සිතට දැනෙන සෝදුක් හැඟුම්
මගේ සිත තුල නුහුරු කම්පන ඇති කරයි
මා ඔබ වෙත
ඔබ මා වෙත
මදින් මද ලං වෙයි
ඈතම ඈත සිට
හද ගැහෙන හඬ ඇසෙන මානය තෙක්
ලං වෙයි

දිනෙන් දින
දෙපසට තබන පියවර මගින් වුවත්
දෙමගක දිව යන දිවිමං ඇතිව වුවත්
දෙතැනක යන අදහස් දැරුවා වුවත්
එකම මගක
සුවඳැති මල් ඇතිරෑ මඟක
පවනේ පාව අත්වැල් බැඳන් යන
දිනය ලං වෙයි 

ප්‍රභාත් මාධව වීරසිංහ